Վրաստանի նախկին վարչապետ Ժվանիայի թիկնազորի անդամը պատմել է կոնսպիրատիվ բնակարանի մասին
«Կոնսպիրատիվ բնակարանի գոյությունը Զուրաբ Ժվանիայի, նրա թիկնազորի պետի ու իմ գաղտնիքն էր»,-Ժվանիայի մահվան գործով դատական գործընթացի ժամանակ հայտարարել է նրա թիկնազորի հերթափոխի պետ Միխայիլ Ձաձամիան: Ըստ նրա՝ նա Ժվանիային տանում էր այնտեղ, ու այդ մասին միշտ իմանում էր թիկնազորի պետ Կոբա Խարշիլաձեն:
Նշենք, որ Թբիլիսիի քաղաքային դատարանը Միխայիլ Ձաձամիայի համար խափանման միջոց է ընտրել նախնական կալանքը: Դատախազությունը նրան մեղադրում է ծառայողական անփութության մեջ: Պաշտոնական տեղեկություններով՝ Ձաձամիայի անփութության պատճառով նախկին վարչապետը մահացել է:
Քանի որ անցկացված հետաքննությունը կասկածի տակ է դրել իրականացված դատաբժշկական փորձաքննության իսկությունը, նոր փորձաքննություն անցկացնելու անհրաժեշտություն է ծագել:
Լուրեր Հայաստանից – NEWS.am