Մայրության օրը Նինոծմինդայում. Հարցում

Մարտի 3 -ին Վրաստանում նշվում է մայրության օրը, այդ առիթով Նինոծմինդայի շրջանում բնակիչների մասնակցությամբ անցկացրեցինք հարցում:

Փորձեցինք պարզել տեղյակ են այսօրվա մասին, արդյոք մայրերը ստացել են նվերներ կամ շնորհավորանքներ եւ ինչ սպասելիքներ ունեն:

Ինչպես նկատեցինք Մայրերի օրվա կապակցությամբ Նինոծմինդայում նույնպես ավանդաբար երիտասարդության մեծ մասը ծաղիկներով շտապում էին շնորհավորելու իրենց մայրիկներին:

Այս տոնի նպատակը բարի է` պահպանել կանանց նկատմամբ հոգատար վերաբերմունքի ավանդույթը, ամրացնել ընտանեկան հիմքերը, շեշտել գլխավոր մարդու` մոր նշանակությունը մեր կյանքում:

Մանրամասները՝ ձայնագրությունում.

Մայրության օրը մարտի 3-ին նշելու որոշումը կապված է Վրաստանի առաջին նախագահ Զվիադ Գամսախուրդիայի հետ:

Վրաստանի գերագույն խորհուրդը 1991 թվականին մարտի 3-ը հայտարարեց մայրության օր: Մարտի 3-ը մայրության օր հայտարարելով պետք է փոխարիներ մարտի 8-ին, որը ինչպես խորհրդային տոնակատարություններից շատերը, խորհրդային միության փլուզումից հետո չեղարկվեց:

---

---