23-ամյա իտալացի ֆուտբոլիստն առողջացել է COVID-19-ով վարակվելուց հետո

Իտալական Սերիա C-ում հանդես եկող «Պյանեզե» ակումբը հայտնում է, որ թիմի 23-ամյա ֆուտբոլիստը առողջացել է նոր կորոնավիրուսով (COVID-19) վարակվելուց հետո։

«Սիենայի հիվանդանոցից հայտնել են մեր 23-ամյա խաղացողի լիակատար առողջացման մասին։ Մի քանի օր նրա մոտ որեւէ ախտանիշ չէր նկատվում։ 24 ժամվա տարբերությամբ երկու վարակային թեստերը եւս ցույց են տվել կորոնավիրուսի բացակայություն, ինչը համապատասխանում է նախարարության պահանջին»,- նշվում է ակումբի հայտարարությունում։

«Պյանեզեի» ֆուտբոլիստի վարակման մասին հայտնի էր դարձել երկու շաբաթ առաջ։ Ակումբի եւս երկու խաղացող եւ մեկ աշխատակից վարակվել են կորոնավիրուսով։ sport.news.am

---

---