Վրաստանի նախկին նախագահ Զվիադ Գամսախուրդիայի որդիները պահանջում են կրկին հետաքննել իրենց հոր սպանության գործը
Վրաստանի նախկին նախագահ Զվիադ Գամսախուրդիայի որդիները դիմել են երկրի կառավարությանը՝ պահանջելով կրկին հետաքննել իրենց հոր սպանության գործը: Այս մասին նրանք այսօր՝ մարտի 31-ին, հայտարարել են լրագրողներին՝ իրենց հոր գերեզմանի մոտ:
Կոնստանտին, Գեորգի եւ Ծոտնե Գամսախուրդիաները հուշագիր են ստորագրել՝ նշելով, որ իրենք դիմում են Վրաստանի նախագահին, վարչապետին, օմբուդսմենին եւ գլխավոր դատախազին՝ խնդրելով շարունակել քննել Զվիադ Գամսախուրդիայի մահվան փաստը, որն սկսվել է 2004 թվականին:Կոնստանտին Գամսախուրդիան հայտարարել է, որ հետաքննության ընթացքում իրականում ոչ մի քննչական գործողություն չի կատարվել:
Միաժամանակ, Ծոտնե Գամսախուրդիան նշել է, որ 2011-ին ստեղծված խորհրդարանական հանձնաժողովը պարզել է, որ Վրաստանի առաջին նախագահը սպանվել է, հաղորդում է «Գռուզիա Online»-ը:
Լուրեր Հայաստանից – NEWS.am