Կայացել է Ղարիբաշվիլի- Ալիև հանդիպումը
Վրաստանի վարչապետ Իրակլի Ղարիբաշվիլին Ադրբեջան կատարած պաշտոնական այցի շրջանակում հանդիպել է հանրապետության նախագահ Իլհամ Ալիևի հետ, գրում է apsny.ge-ն:
Հանդիպումը կայացել է «Զագուլբա» նախագահական նստավայրում: Հանդիպման ընթացքում քննարկվել են բարիդրացիական հարաբերությունները և երկու երկրների ռազմավարական գործընկերության հարցերը: Հատուկ ուշադրություն է հատկացվել տարածաշրջանային անվտանգության և էներգաանվտանգության հարցերին:
Կողմերը քաղաքական, մշակութատնտեսական և էներգետիկ համագործակցության հետագա խորացման ցանկություն են հայտնել: Մասնավորապես՝ Վրաստանի վարչապետը և Ադրբեջանի նախագահը, շոշափելով գործընկերային հարաբերությունների զարգացման հեռանկարները, նշել են, որ փորձի փոխանակումը քաղաքական, տնտեսական և հումանիտար ուղղություններով օգտակար կլինի երկու երկրների համար:
Վարչապետ Ղարիբաշվիլիի հետ հանդիպումից հետո Ալիևը հանդիպել է վրացական պատվիրակության հետ: Կողմերը քննարկելեն այն կոնկրետ նախագծերը, որոնք երկու երկրներն իրականացնում են համատեղ: Մասնավորապես, խոսքը տնտեսական, էներգետիկ և տրանսպորտային նախագծերի մասին է, այդ թվում` Բաքու-Թբիլիսի-Ջեյհան նավթատարի և Բաքու-Թբիլիսի-Էրզրում գազատարի: