Ինչպե՞ս կարող են Նինոծմինդայի ֆերմերները ստանալ վաուչեր և կտրոններ

Մայիսի 20-ին սկսվեց Վրաստանի կառավարության հակաճգնաժամային ծրագիրը, որի համաձայն հողատերերը կստանան դիզելային վառելիքի զեղչային կտրոններ և վաուչերներ գյուղատնտեսական ապրանքներ գնելու համար:

Այս ծրագրից կարող են օգտվել այն անձինք, ովքեր ունեն գրանցված հողատարածքներ, կարևոր չէ` գրանցված է որպես ֆերմեր, թե ոչ:

Մայիսի 20-ից սկսվել է գյուղատնտեսական նշանակության հատուկ քարտերի տրամադրումը այն ֆերմերներին, ովքեր ունեն օրինական գրանցած հողատարածքներ (վարելահող և անձնական հողամաս)` 0.25-ից 10 հա` 200 լարի (միավոր) յուրաքանչյուր 1 հեկտարի դիմաց:

Գյուղատնտեսական հատուկ քարտեր ստանալու համար բնակիչները պետք է հաշիվ բացեն Liberty Bank- ում, որից հետո հաշիվը կհամալրվի հատուկ միավորներով: Եվ ով արդեն ունի հին հաշիվներ Liberty Bank- ում, որոնք բացվել են 2014-ին գյուղատնտեսական վաուչեր ստանալու համար, նոր հաշիվ այլևս չի պահանջվում, միավորներն ինքնաբերաբար մուտքագրվում են այդ քարտին:

Վաուչերները ուժի մեջ կլինեն մինչև 2021 թվականի մայիս:

Դիզելային վառելիքի զեղչով կտրոնի ստացումը հաստատելու համար բնակիչները պետք է կապնվեն Նինոծմինդայի Տեղեկատվական և խորհրդատվական կենտրոնին կամ քաղաքապետարանի աշխատակիցներ՝ Հովսեփ Նորսոյանի և Մարտին Մղդեսյանի հետ, ովքեր ստուգելու են բնակիչների տվյալները հատուկ տվյալների բազայում:

Ֆերմերները կարող են դիզելային վառելիք գնել ցածր գներով միայն SOCAR Georgia Petroleum- ից: Այս ընկերությունը Նինոծմինդայում և Ախալքալաքում չունի իր սպասարկման կենտրոնները, մոտակա սպասարկման կենտրոնը գտնվում է Ախալցխայում: