Ո՞ւմ համար են ևս 3 ամսով հետաձգելու վարկերը
«Մենք պայմանավորվել ենք բանկերի հետ, որ վարկերը ավտոմատ կերպով հետաձգվեն այն քաղաքացիների համար, որոնց մենք կփոխանցենք փոխհատուցման փաթեթ», – ասել է Վրաստանի ֆինանսների նախարար Իվանե Մաճավարիանին:
Ըստ Մաճավարիանիի, բանկերը նաև ստուգելու և հետաձգելու են այն մարդկանց վարկերը, որոնց եկամուտը կտրուկ անկում է ապրել կամ ընդհանրապես դադարել է:
«Գիտեք, որ երեք ամիս շարունակ վարկերը հետաձգվել էին գրեթե բոլոր ֆիզիկական անձանց համար, որպեսզի նրանց կապիտալացումը տեղի չունենա, որպեսզի նրանց չհաշվարկեն տոկոսներ: Այս փուլում մենք խորհրդակցություններ անցկացրեցինք բանկերի հետ և գործնականում պայմանավորվեցինք հետևյալ մոդելի շուրջ՝ այն քաղաքացիների վարկերը ինքնաբերաբար կհետաձգվեն, որոնց մենք կփոխանցենք փոխհատուցման փաթեթը: Բացի այդ, բանկերն իրենք կգնահատեն հաճախորդների վճարունակությունը, որոնց եկամուտները նվազել կամ դադարել են, և վարկի մարման հետ կապված խնդիրներ ունեն: Իրենց տեղեկությունների հիման վրա, բանկերը վարկերը հետաձգելու են նույն պայմաններով՝ կրկին, առանց տոկոսադրույքների կապիտալացման», – հայտարարել է Իվանե Մաճավարիանին:
Opinion, pooling and voting
