Փոկա գյուղի բնակիչները հողի խնդրով դիմել են Սակրեբուլո
Այսօր ՝ մայիսի 25-ին, Փոկա գյուղի բնակիչները դիմել են Նինոծմինդայի մունիցիպալիտետի սակրեբուլոյին՝ բողոքելով, որ անասունների համար արոտավայրերի տարածքը ամեն տարի նվազում է և այլևս հնարավոր չէ զբաղվել անասնապահությամբ:
Անհրաժեշտ է հողերի հարցում ճշգրտումներ: Բնակիչների խոսքով ՝ ամեն տարի գյուղի մի քանի բնակիչներ անօրինական կերպով ընդլայնում են իրենց տարածքները գյուղի արոտավայրերի հաշվին եւ վարում այն, ինչն էլ իր հերթին նվազեցնում է արոտավայրերի տարածքը:
Ըստ Նինոծմինդայի քաղաքապետարանի սակրեբուլոյի նախագահ Սումբատ Կյուրեղյանի, Փոկա գյուղի բնակիչները դիմումով դիմել են սակրեբուլո ՝ տեղում պարզելու համար հողատարածքների կոորդինատները: «Կնշեմ, որ ամեն օր, տարբեր գյուղերից, հողային խնդիրներով դիմում են մեզ և այդ խնդիրը բավականին հուզիչ է դարձել մեր մունիցիպալիտետի համար: Եվ ամեն անգամ խնդիրը ծագում է արոտավայրերի կամ պետական հողերի դեպքում: Դրանից տուժում են հասարակ գյուղացիները, ովքեր այլևս չեն կարողանում զարգացնել իրենց տնտեսությունը և զբաղվել անասնապահությամբ: Կարծում եմ, որ բնակիչների պահանջը արդարացի է և մենք պետք է անենք ամեն ինչ, որպեսզի լուծենք այս խնդիրը », – ասաց Սումբատ Կյուրեղյանը:
Մանրամասները՝ աուդիոձայնագրությունում.
Opinion, pooling and voting
