ՌԴ ԱԳՆ. Վրաստանի հետ մաքսային պայմանագիրը չի ազդում Աբխազիայի եւ Հվ. Օսիայի վրա
Ռուսաստանի եւ Վրաստանի միջեւ մաքսային վարչարարության եւ ապրանքների առեւտրի դիտարկման մասին համաձայնագիրը, որը կնքվել է 2011-ի նոյեմբերի 9-ին, չի ոտնահարում Աբխազիայի եւ Հարավային Օսիայի կարգավիճակը որպես նորանկախ պետություններ: Այս մասին հայտարարել է Ռուսաստանի ԱԳ նախարար Սերգեյ Լավրովը:
«Աբխազիան դրա հետ ոչ մի կապ չունի, որովհետեւ համաձայնագիրը չի ոտնահարում Աբխազիայի եւ Հարավային Օսիայի կարգավիճակը որպես նորանկախ պետություններ եւ նրանց համար ոչ մի պարտավորություն չի առաջացնում: Համաձայնագրի գործողությունը, ինչպես նաեւ շվեյցարական մասնավոր ընկերության աշխատանքը, չի տարածվում Աբխազիայի եւ Հարավային Օսիայի տարածքների վրա»,-ասել է Լավրովը:
Իր հերթին Աբխազիայի ԱԳ նախարար Վյաչեսլավ Չիրիգբան հայտարարել է, որ այդ համաձայնագիրը ոչ մի բացասական ազդեցություն չի կարող ունենալ Ռուսաստանի եւ Աբխազիայի միջեւ ապրանքաշրջանառության վրա:
Լուրեր Հայաստանից – NEWS.am