Ժդանովական գյուղի հողերի խնդիրը մասամբ լուծվել է
Նինոծմինդայի մունիցիպալիտետի Ժդանովական գյուղի հողերի հարցը մասնակիորեն դրական լուծում է ստացել:
Հիշեցնենք, որ հունիսի 3-ին, Ժդանովական գյուղի բնակիչները դիմել էին Nor ռադիոկայանին ՝ գյուղում արոտավայրերի խնդիրը լուսաբանելու համար: Հարցը վերաբերում էր սահմանային այն տարածքին, որը բնակիչները չէին կարող օգտագործել որպես արոտավայր անասունների համար: Այս տարածքը սահմանամերձ գոտում է, բայց հանդիսանում է Ժդանովական գյուղի տարածքը:
Ժդանովական գյուղի բնակիչները չեն կարող օգտագործել գյուղի արոտավայրերն ու խոտհարքերը.Տեսանյութ
Ժդանովական գյուղի բնակիչները նաև գրավոր դիմել են Նինոծմինդայի մունիցիպալիտետի քաղաքապետարանին, որպեսզի սահմանամերձ գոտու մեկ այլ տարածքը օգտագործեն խոտհունձի համար:
Ինչպես տեղեկացանք Նինոծմինդայի մունիցիպալիտետի սակրեբուլոյի նախագահ Սումբատ Կյուրեղյանից, լուծվել է Ժդանովական գյուղի արոտավայրերի հարցը: Ժդանովական գյուղի բնակիչները, ագրարային հանձնաժողովի նախագահ Անդրանիկ Կարապետյանի և սահմանապահ ջոկատի ներկայացուցիչների հետ միասին, ընդհանուր որոշման են եկել և հատկացրել են 80-90 հա տարածք, որի համաձայն բնակիչները կարող են արդեն օգտագործել այն հողերը, որոնք նախկինում վերահսկվում էին սահմանապահների կողմից:
Ինչ վերաբերում է սահմանային գոտում գտնվող մեկ այլ տարածքին, ապա Ախալցխայում նամակ է ուղարկվել ՝ սահմանապահներից թույլտվություն ստանալու համար: Եթե պատասխանը լինի դրական, ապա Ժդանովական գյուղի բնակիչները կարող են օգտագործել այս հողամասը խոտհունձի համար:
Մանրամասները Nor ռադիոյի լրագրողին տեղեկացրեց Սակրեբուլոյի նախագահ Սումբատ Կյուրեղյանը.