Ծիծեռնակաբերդը հրդեհից հետո

DroDrone-ի ֆեյսբուքյան էջում հրապարակվել է լուսանկար՝ արված Մարզահամերգային համալիրի հարակից տարածքում երեկ տեղի ունեցած հրդեհից հետո։

Լուսանկարը մակագրված է՝ Ծիծեռնակաբերդը` հրդեհից հետո։ Նրանում երեւում է, թե ինչ տեսք ունի տարածքը հրդեհից հետո։

Երեկ` հունիսի 26-ին, մարզահամերգային համալիրի մոտ բռնկված հրդեհի հետեւանքով այրվել է մոտ 21 հա բուսածածկ տարածք։ Այս մասին հայտնում են ՀՀ ԱԻՆ լրատվական ծառայությունից:

Հրշեջները կանխել են հրդեհի տարածումը բնակելի տարածքներ։ Հրդեհը մեկուսացվել է ժամը 23:32-ին, մարվել՝ ժամը 23:56-ին:

Մոտակայքում գտնվող շենք-շինություններին, այդ թվում՝ Հայոց ցեղասպանության թանգարան ինստիտուտին վնաս չի պատճառվել:

Դեպքի վայրում են գտնվել ԱԻ նախարար Ֆելիքս Ցոլակյանը, Կրթության, գիտության, մշակույթի և սպորտի նախարար Արայիկ Հարությունյանը, Երևանի քաղաքապետ Հայկ Մարությանը և Քաղաքաշինության, տեխնիկական և հրդեհային անվտանգության տեսչական մարմնի ղեկավար Գեղամ Շախբազյանը։ news.am

---

---