Եվս վեց զորակոչիկ մեկնեցին բուժզննման

Հունիսի 29-ին Նինոծմինդայի մունիցիպալիտետի վեց զորակոչիկներ մեկնեցին Թբիլիսի՝ բուժզննում անցնելու համար: Զորակոչիկներին ուղեկցում էին ծնողները, հարազատները և մտերիմները:

Բուժզննումը անցնելուց հետո նրանք կծառայեն Վրաստանի պաշտպանության նախարարության զորամասերում:

Ըստ Նինոծմինդայի մունիցիպալիտետի զինծառայության պետ Նաիրի Մանուկյանի, գարնանային զորակոչի շրջանակներում սա երրորդ հավաքն է:

«Կորոնավիրուսային պանդեմիայի պատճառով մենք նախազգուշական միջոցներ ենք ձեռնարկում: Գնել ենք պաշտպանիչ դիմակներ զորակոչիկների համար, իսկ տրանսպորտում նրանք կպահպանեն անհրաժեշտ սոցիալական հեռավորությունը», – նշեց Նաիրի Մանուկյանը:

Նշենք, որ այս պահին Նինոծմինդայի մունիցիպալիտետից 87 մարդ է ծառայում Վրաստանի տարբեր զորամասերում:

18-ից 27 տարեկան անձինք պարտավոր են ծառայել, իսկ պարտադիր զինվորական ծառայությունը տևում է 1 տարի:

Մանրամասները՝ աուդիո նյութում.

---

---