Ինչպես գրանցվել 300 լարիի փոխհատուցում ստանալու համար, եթե սեզոնային աշխատող եք. ուղեցույց

 

Վրաստանի կառավարության որոշմամբ՝ արտերկում աշխատող Վրաստանի քաղաքացիները պետությունից միանվագ փոխհատուցում կստանան` 300 լարիի չափով:

Փոխհատուցում կստանան սեզոնային աշխատանքի մեկնող Վրաստանի այն քաղաքացիները, որոնք

• աշխատել են Վրաստանի սահմաններից դուրս, ինչի պատճառով 2019 թվականին արձանագրվել է սահմանը հատելու ոչ պակաս քան 60 դեպք,
• 2019 թվականի մարտ ամսից հոկտեմբեր ամիսը ներառյալ ժամանակահատվածում  Վրաստանի սահմաններից դուրս են եղել 30-ից մինչև 120 օրացույցային օրվա ընթացքում:

Օրինակ, փոխհատուցում կստանա Վրաստանի այն քաղաքացին, որը մարտից մինչև հոկտեմբերն ընկած ժամանակահատվածում Վրաստանում չի եղել 1-4 ամսվա ընթացքում:

Փոխհատուցումը ստանալու համար քաղաքացիները պետք է մինչև հուլիսի 15-ը գրանցվեն compensation.moh.gov.ge  կայքում:

Ինչպե՞ս գրանցվել

Քայլ առաջին. պետք է մուտք գործել ստորև նշված կայքէջ և սեղմել «գրանցում» կոճակին (նշված է կարմիրով):

Քայլ երկրորդ. Առաջին քայլից հետո բացվում է պատուհանը, որտեղ պետք է նշել  «համաձայն եմ»  (նշված է կարմիրով):

Քայլ երրորդ. Համաձայնությունը տալուց հետո պետք է գրանցել անձնական տվյալները՝ անձնական համար, անուն, ազգանուն, հեռախոսահամար և սեղմել  «Ուղարկել sms» կոճակը (նշված է կարմիրով):

Նշված հեռախոսահամարին կուղարկվի համապատասխան կոդը, որը պետք է գրել համապատասխան վանդակում և մտնել:

Քայլ չորրորդ. Բացվում է հաջորդ պատուհանը, որտեղ պետք է լրացնել բանկային հաշիվը և սեղմել «ստուգել» կոճակը (նշված է կարմիրով), ապա ներքևում լրացնել մունիցիպալիտետը, փաստացի բնակության վայրի անունը և վերջում նշել «ավարտ»:

Կարևոր է հիշել, որ բանկային հաշվեհամարը պետք է բացված լինի այն քաղաքացու անունով, որը ցանկանում է  փոխհատուցում ստանալ:

Եթե գրանցման վերջում պահանջվում է լրացուցիչ փաստաթուղթ ներբեռնել, ապա պետք է միայն նկարել անձնագրի առաջին էջը և ներբեռնել համակարգ, որից հետո գրանցումը կավարտվի: aliq.ge

---

---