Մհեր Մկրտչյանն այսօր կդառնար 90 տարեկան
🎭«Թատրոնն աղոթելու տեղ է, թատրոնն Աստծո հետ խոսելու ձև է…». Այսօր հայ մեծանուն դերասան Մհեր Մկրտչյանը կդառնար 90 տարեկան։
🔹Մհեր Մկրտչյանը ծնվել է Գյումրիում 1930 թվականի հուլիսի 4-ին։ Հայրը ծագումով մշեցի էր, մայրը՝ վանեցի։ Գյումրիում սովորել է նկարչական ու երաժշտական դպրոցներում, միաժամանակ հաճախել է թատերական ինքնագործ խմբակ։ 1945-1946 թթ. սովորել է Մռավյանի անվան թատրոնին կից ստուդիայում, որն ավարտելուց հետո` 1947 թվականին, ընդգրկվել է նույն թատրոնի հիմնական խմբի մեջ։ Այս թատրոնում Մհերը խաղացել է տասնյակից ավելի մեծ ու փոքր դերեր։
1953թ. տեղափոխվել է Սունդուկյանի անվան թատրոն, սովորել գեղարվեստաթատերական ինստիտուտում։
🔹1986թ. ԱՍՀՄ ժողովրդական արտիստ Մհեր Մկրտչյանի ջանքերով ստեղծվել է Երևանի քաղաքապետարանի Վ. Աճեմյանի անվան արտիստական թատրոնը:
🔹Մհեր Մկրտչյանը մահացել է 1993 թվականին։ Գյումրիում գործում է արտիստի թանգարանը, որտեղ կան հարուստ նյութեր դերասանի կյանքի, ստեղծագործության վերաբերյալ, ինչպես նաև նրա անձնական իրերից:
✅Բարձր մասնագիտացումը, կերպարին ազգային դեմք ու դիմագիծ հաղորդելու կարողությունը, էկրանի ճշմարիտ զգացողությունն ու շատ այլ հատկանիշների շնորհիվ Մհեր Մկրտչյանը հայ կինոյի պատմության ինքնատիպ արվեստագետներից մեկն է։
🎭Նրա կերտած հիանալի կերպարներից են՝ Արսեն («Նվագախմբի տղաները»), Գասպար («Եռանկյունի»), Իշխան («Մենք ենք, մեր սարերը»), Հայրիկ («Հայրիկ»), Ամիրո («Նահապետ»), Գրիգոր աղա («Կտոր մը երկինք»), Զամբախով («Խաթաբալա»), Նիկոլ («Հին օրերի երգը»), Ռուբեն («Մեր մանկության տանգոն») և այլն։
Նյութը վերցված է ՀՀ կրթության, գիտության, մշակույթի և սպորտի նախարարություն ֆեյզբուքյան էջից:
Opinion, pooling and voting
