Բակերի ասֆալտապատումը եւ բնակիչների դժգոհությունը

Ջավախավտոգզա ճանապարհաշինարարական ընկերությունը սկսել է ասֆալտապատել Նինոծմինդա քաղաքի բնակելի շենքերի բակերը:

Ներկայումս իրականացվել է թիվ 7, թիվ 8 և երաժշտական դպրոցի բակերի ասֆալտապատումը:

Համաձայն Ազատության թիվ 8 բնակելի շենքի բնակիչների, ասֆալտապատման ժամանակ բակի մի հատվածը չի ասֆալտապատվել, ջրահեռացման համակարգ չկա, նրանք նույնիսկ հրաժարվել են արհեստական բարիեր տեղադրել, որպեսզի ջուրը չհոսի դեպի շենքը:

Ըստ Ջավախավտոգզա ճանապարհաշինարարական ընկերության աշխատողների, այն, ինչ նախատեսված էր նախագծով` ավարտվել է:

Գալիք օրերին կասֆալտապատվեն Պուշկինի թիվ 96, 96 ա, 99, Կամոյի թիվ 29 հասցեներում գտնվող շենքերի բակերը, ինչպես նաև «Ծիծեռնակ» մանկապարտեզի բակը և «Էվեքս» շրջանային հիվանդանոցի բակը:

Այս նախագծով նույնպես ասֆալտապատվել էր Դավիթ Շինարար փողոցի մայթերը: Նախագծի գումարը 393.393 լարի է:

Լրացուցիչ մանրամասները՝ լուսանկարներում.