Ռուսաստան մուտքը 5 տարով կարգելվի հայ-ադրբեջանական բախումների մասնակիցներին
Մոսկվայում ձերբակալվել է հայերի և ադրբեջանցիների միջև զանգվածային ծեծկռտուքի 34 մասնակից։ Այս մասին հաղորդում է НТВ-ն։
Նրանցից շատերի նկատմամբ վարչական տուգանք կկազմվի փոքր խուլիգանության հոդվածով, բայց առնվազն 3 հոգու կալանավորելու միջնորդություն է ներկայացվել։ Պատիժը կրելուց հետո բոլոր ձերբակալվածներին 5 տարով կարգելվի մուտքը ՌԴ, տեղեկացնում են ՆԳՆ-ի Մոսկվայի բաժանմունքից։
Այս օրերին Ռուսաստանում տեղի ունեցած բախումները մտահոգիչ են, բայց կառավարելի: Այս մասին հայտնել է Ռուսաստանի Դաշնությունում ՀՀ դեսպանը: Նա կոչ է արել չմասնակցել որևէ նախաձեռնության, ակցիայի և հավաքի, իսկ հնարավոր սադրանքների դեպքում դիմել իրավապահ մարմիններին: Բռնության դրսևորումները դատապարտել են նաև Հայաստանում և Ադրբեջանում ԱՄՆ դեսպանությունները:
Ավելի վաղ Facebook սոցցանցում հերթական տեսանյութն էր հայտնվել Մոսկվայում հայերի և ադրբեջանցիների միջև տեղի ունեցած ընդհարումներից։ Հրապարակված կադրերում երևում է, թե ինչպես են ադրբեջանցիները ներխուժում հայկական սրճարան, սակայն կոշտ դիմակայություն ստանում և վռնդվում։
Հակահայկական վանդալիզմի ևս մեկ դեպք էլ տեղի է ունեցել Մոսկվայի մեկ այլ թաղամասում: Ադրբեջանցիների մի խումբ հարձակվել է «Հայկական տուն» խանութի վրա:
Shantnews.am
Opinion, pooling and voting
