Նինոծմինդայի քաղաքապետարանը գիշերային լուսավորության համար հայտարարել է մրցույթ

Հուլիսի 28-ին Նինոծմինդայի քաղաքապետարանի պետական գնումների ծառայությունը հայտարարեց մրցույթ Նինոծմինդա քաղաքում և մունիցիպալիտետի գյուղերում գիշերային լուսավորության անցկացման համար:

Այս աշխատանքների համար տրամադրվել է 195,000 լարի:

Ըստ նախագծի, նախատեսվում է գիշերային լուսավորություն անցկացնել Նինոծմինդայի փողոցներում և հետևյալ գյուղերում ՝ Հեշտիա, Մ.Գոնդուրա, Տամբովկա, Սաթխա, Գորելովկա, Ղաուրմա, Մամզարա, Փ. Խանչալի, Մ. Խանչալի, Օրոջալար, Կաթնատու, Դիլիֆ, Ղուլալիս, Ռոդիոնովկա, Գանձա:

Նինոծմինդա քաղաքում գիշերային լուսավորությունը բարելավելու համար նախատեսվում է լամպեր ավելացնել Փիրոսմանի, Ճավճավաձե, Սարյան, Դավիթ Շինարար, Քութաիսյան, Սայաթ Նովա, Երևանյան, Ղարս, Գոգոլ, Ծերեթելի փողոցներում և Հայոս-Քարթլոս զբոսայգում: Ընդհանուր առմամբ, քաղաքի փողոցներում կտեղադրվեն 43 լապտեր:

Ինչ վերաբերում է գյուղերին, ապա նախագիծը նախատեսնում է նոր լապտերներ տեղադրել այն փողոցներում, որտեղ ընդհանրապես լուսավորություն չկա, ինչպես նաև կտեղադրվեն նոր մետաղական սյուներ: Ընդհանուր առմամբ, վերը թվարկված գյուղերում 378 լապտեր կտեղադրվեն: