Ադելինա Եսոյանը վախենում է երեխաներին թողնել բակ

Ադելինան, օգնության հույսով, ևս մեկ անգամ դիմեց « » ռադիո իր խնդիրը լուսաբանելու համար:

Ադելինա Եսոյանը երեք անչափահաս երեխաների հետ ապրում է Նինոծմինդայի քաղաքապետարանի տրամադրած շենքում: Ադելինայի խնդիրն այս անգամ այն է, որ անհրաժեշտ է պարսպապատել բակը, քանի որ հին ցանցը կարգին չէ: Շների ոհմակը հաճախ անցնում են այնտեղով և կարող են հարձակվել երեխաների վրա: Եվ ինչպես մեզ ասաց Ադելինան, վերջերս մի շուն հարձակվել է իր ավագ որդու վրա, որին նա հազիվ է փրկել:

«Ես չեմ կարող թույլ տալ, որ երեխաներս դուրս գան բակ խաղալու: Վերջերս մի շուն հարձակվեց երեխայիս վրա, նրան գրեթե կծեց: Երեխան հազիվ էր փախել : Առողջ երեխան վախից կարող է հիվանդանալ: Ես շատ եմ խնդրում, որ պաշտոնյաները լուծեն թափառող շների խնդիրը, կամ օգնեն ցանկապատել, որպեսզի շները չմտնեն բակ: Անհնար է մեր սեփական միջոցներով ցանկապատ կառուցել, քանի որ 10 մետր ցանցը արժե 80 լարի », – ասում է Ադելինան:

Ադելինան վախենում է թույլ տալ, որ իր երեխաները աննկատ հեռանան տնից: Տունը գտնվում է քաղաքի ծայրամասում ՝ մայրուղու վրա: Այստեղ բացի շատ շներ լինելուց, նաև մեքենաներն են արագ անցնում : Երեխաները կարող են դուրս գալ և մեքենայի տակ ընկնել: «Օրենքով, արգելվում է կրակել շներին, գոնե ցանկապատեն, որպեսզի շները չմտնեն բակ: Հայրս գալիս է ինձ օգնելու: Ես վատ եմ տեսնում և վախենում եմ երեխաների հետ բակ դուրս գալ: Երեխան կարող է ինչ-որ պահի հեռանալ, և ես չնկատեմ»:

Ադելինան միայնակ մեծացնում է երեք փոքր երեխաներին: Այս ընտանիքի հայրը ՝ Արարատը, գտնվում է կալանքի տակ ՝ պատիժ կրելով կնոջը ծեծի ենթարկելու համար: Ադլինան չի կարողանում աշխատել, և նրա ընտանիքի միակ եկամտի աղբյուրը սոցիալական աջակցությունն է: Ընտանիքն ապրում է պետությունից ստացած 300 լարիով եւ ընտանիքը տարին մեկ անգամ 100 լարիի չափով օգնություն է ստանում Նինոծմինդայի քաղաքապետարանից: Նրանք նաև վերջին 3 ամիսների ընթացքում հակաճգնաժամային ծրագրի համաձայն, պետությունից ստանում են 100 լարի ` և 264 լարի կենսաթոշակ: «Երեխաներին հազիվ է բավարարում, ես նույնիսկ մոռացել եմ իմ դեղերի մասին և չեմ գնում: Ի վերջո, երեխաները ցանկանում են ուտել, հագնվել, պետք է վճարել նաև կոմունալ ծառայությունների համար: Գազ և ջուր միացնելու համար իմ կենսաթոշակից կանխիկ եմ վերցրել և այժմ ստանում եմ 130 լարի 264 լարի փոխարեն: Այս տարի Հենզել Մկոյանն է վճարել գազի դիմաց և սնունդ գնել: Եթե տունը գրանցված լիներ իմ անունով երեխաների ապագայով մտահոգված չէի լինի :