«Ղարաբաղը հանդիսանում է Ադրբեջանի հանրապետության ինքնիշխան տարածք»- Միխեիլ Սաակաշվիլի
Վրաստանի երրորդ նախագահ Միխեիլ Սաակաշվիլին ֆեյսբուքյան իր էջում գրառում է արել՝ անդրադառնալով Լեռնային Ղարաբաղում ռազմական գործողություններին: Ստորև ներկայացնում ենք գրառումն անփոփոխ.
«Ադրբեջանի և Հայաստանի միջև ռազմական բախումները շատ են վրդովեցնում բոլորիս, ում համար կարևոր է մեր տարածաշրջանում խաղաղությունն ու մեր ժողովուրդների բարեկեցությունը: Այսօր գոյություն չունի ավելի մեծ արժեք: Ադ պատճառով մեծ սրտի ցավով եմ հետևում մարդկային զոհերին և իրավիճակի էսկալացիային: Իմ դիրքորոշումը լիովին ակնհայտ է, այն հիմնված է տարածքային ամբողջականության սկզբունքի վրա, ուրեմն Լեռնային Ղարաբաղը հանդիսանում է Ադրբեջանի հանրապետության ինքնիշխան տարածք և որևէ բան չի փոխի այդ հանգամանքը: Իհարկե, միևնույն ժամանակ, այս տարածաշրջանի բոլոր փախստականներն իրավունք ունեն վերադառնալ իրենց տներ և ով արդեն այնտեղ է ապրում, նրանք իրավունք ունեն շարունակել մնալ տարածքում․ նրանց իրավունքները պետք է պաշտպանված լինեն: Վրաստանի շահերից է բխում Կովկասի երեք ազգերի միջև եղբայրական բարեկամական հարաբերությունների առկայությունը: Մեր ապագան Բալթյան երեք երկրների հարաբերությունների նման պիտի լինի: Միայն արտաքին ուժերի շահերից է բխում, որ մեր կապերը խափանեն, մենք դրա հնրավորությունը նրանց ոչ մի դեպքում չենք տա»,- գրել է Սաակաշվիլին: Aliq.ge
Opinion, pooling and voting
