Աջակցություն Լեռնային Ղարաբաղին ակցիա՝ Ախալքալաքում

Այսօր՝ հոկտեմբերի 6 -ին, Ախալքալաքի կենտրոնական մարզադաշտում տեղի ունեցավ բազմամարդ խաղաղ ակցիա ի զորակցություն Արցախին եւ հայ զինվորներին:

Նշենք, որ սեպտեմբերի 27-ին սկսված պատերազմում, որը շարունակվում է մինչ օրս, Արցախա -ադրբեջանական կոնֆլիկտի ընթացքում ադրբեջանական ագրեսիան հետ մղելու ժամանակ նահատակված հերոսների մեջ կան նաև թվով 5 զինվորներ՝ Ջավախքից:

Ակցիայի մասնակիցներից Սեդրակ Մուրադյանը մեզ հետ զրույցում նշեց. «Ջավախահայությունը այս ակցիան կազմակերպել է ի աջակցություն Արցախի եւ ամբողջ Հայաստանի: Մենք սրանով ուզում ենք ցույց տալ մեր եղբայրներին, որ մենք միասնական ենք եւ իրենց կողքին ենք»:

Նշենք, որ այս օրերին ամբողջ Ջավախքում ջանք ու եռանդ չեն խնայում Ղարաբաղին տարբեր տեսակի, թե ֆինանսապես եւ թե նյութապես աջակցություն ցուցաբերելու համար:

«Ջավախքն Արցախի կողքին է» կարգախոսով զորակցության խաղաղ հավաքից հետո մասնակիցները քայլերթով հասան Ախալքալաքի Սուրբ Խաչ եկեղեցի, որտեղ միասնական աղոթք և մոմավառություն կատարեցին:

Մանրամասները լսեք աուդիոձայնագրությունում.