Վրաստանի տարածքում հրթիռ ու անօդաչու թռչող սարք է ընկել
Վրաստանի Կախեթիի տարածաշրջանում՝ Կղվարելիի շրջանում հրթիռ, իսկ Ադրբեջանի հետ սահմանակից Սագարեջոում անօդաչու թռչող սարք է ընկել: Այս մասին տեղեկությունը տարածում է Վրաստանի Ներքին գործերի նախարարությունը:
«Հոկտեմբերի 7-ին, ժամը 18:35-ի և 18:45-ի սահմաններում, Արտակարգ իրավիճակների ծառայությունը հրթիռի ու անօդաչու թռչող սարքի մասին հաղորդագրություն է ստացել: ՆԳ նախարարությունն անմիջապես հետաքննություն է սկսել: Միջադեպի արդյունքում ոչ ոք չի տուժել», — ասվում է նախարարության հայտարարության մեջ:
Ներքին գործերի նախարարությունը անմիջապես սկսել է հետաքննչական գործողությունները:
Opinion, pooling and voting
