«Լելոն Վրաստանի համար» կուսակցության ներկայացուցիչը ներկայացրեց ընտրական ծրագիրը
Վերջին տարիներին բազմաթիվ խոստումներ ենք լսել: Ես այդ խոստումներին հավատացողներից մեկն էի: 15 տարեկան մի տղա, հավատում էի, որ շատ բան է փոխվելու: Իմ քաղաքը, իմ Նինոծմինդան բռնելու է զարգացման ուղին: Այդ ժամանակ ես՝ քաղաքի քաղաքական իրադարձություներին ակտիվ ներգրավված մի պատանի, իհարկե գիտակցում էի, թե ինչ ռիսկի էր դիմում ընտանիքս ու բոլոր նրանք, ովքեր ունեին բարեփոխումների ցանկություն: Սա մի ժամանակաշրջան էր, երբ մարդկանց առևանգում էին, ծեծի ենթարկում, նույնիսկ անգթորեն մահվան դատապարտում: Այս ամենին հաջորդեց մեր քրտնաջան աշխատանքի արդյունք դարձած հիասթափությունն ու փշրված երազանքները:
Այսօր, արդեն որպես կայացած չափահաս ես որոշում եմ կայացրել ազատվել մեր քաղաքում, մեր երկրում տիրող լճացումից (ստագնացիա): Այդ «նոր ուժն» և «նոր հույսը» ես տեսնում եմ «Լելոն հանուն Վրաստանի» կուսակցության տեսլականում, ուր մեր թիմի հետ միասին հնարավորություն ունեցա որոշակի ավանդ ներդնել բարեփոխումներ իրականացնելու գործում: Կուսակցության անդամները կիրթ և արհեստավարժ գործիչներ են, այդ թվում երիտասարդներ, ովքեր կարծում եմ, իրենց ջանադիր աշխատանքով ու սեփական աշխատանքի հանդեպ ունեցած սիրով, լծված են առավել բարեկեցիկ ապագա կերտելու գործին:
Սիրտս ցավով է լցվում, երբ մեր քաղաքում տեսնում եմ բազմաթիվ գործազուրկ, թեև բարձրագույն կրթությամբ ու խոհեմ երիտասարդների: Ժամանակն է ուշադրության տակ առնել նմաններին ու կադրերի մշտանորոգություն ապահովել:
Ցավալի է տեսնել բազմաթիվ հուսախաբված հողագործների, իրենց ազնիվ վաստակով աշխատող գյուղացիների: Ժամանակն է գոնե որոշակի ուշադրություն դարձնել նրանց, աջակցել բերքն աճեցնելու և այն իրացնելու գործում: Ինչպես նաև տրամադրել ցածր տոկոսադրույքով գյուղատնտեսական վարկեր, համալրել գյուղատնտեսական տեխնիկան և, լուծել ոռոգման խնդիրը:
Մեծ ցավ եմ ապրում տեսնելով հուսալքված ֆերմերների, որոնց զրկել են ոչ միայն առավել հաջողությունների հասնելու, այլև առկա վիճակը պահպանելու հնարավորությունից: Իսկապես ամոթ է ու տխուր, երբ վարելահողերի և արոտավայրերի մեծ մասը միավորների ձեռքում է: Ժամանակն է փոխել տիրող իրավիճակը և կանխել կոռուպցիան ու նեպոտիզմը:
Սարսափելի է անորակ աշխատանքներին ու աննպատակ ծախսերին հետևելը: Ամոթ ու նաև չափից ավելի անհարմարավետ հերթական անձրևին հաջորդող քաղաքի ողողված կենտրոնական փողոցները: Ցավալի է, որ բարեկարգված չէ քաղաքի կենտրոնական ռեկրեացիոն (հանգստյան) զբոսայգին: Ցավալի է, որ քաղաքով հոսող Ագրիչայ գետի նման հարստությունն այսօր ծայրաստիճան աղտոտված է:
Խորապես ցավում եմ տեսնելով զբոսաշրջային վայրերի չկիրառվող ու անմխիթար վիճակը: Ջավախեթին, Նինոծմինդան ունեն զբոսաշրջային տեսարժան վայր դառնալու բոլոր ռեսուրսներն ու ներուժը: Մենք ունենք Փարվանա՝ իր հնագույն պատմական հիմքերով, ունենք Խանչալի և Մադաթափա, որոնք իրենց գեղեցկագույն և եզակի թռչունների գոյությամբ ընդգրկված են Վրաստանի արգելոցների ցանկում: Մենք ունենք Աբուլ և Շաորի՝ Ք.ա. II-I հազարամյակի կիկլոպյան ամրոցները, հնագույն եկեղեցիներ-վանքեր և զբոսաշրջային տեսանկյունից բազմաթիվ այլ հետաքրքիր օբյեկտներ: Ժամանակն է նպատակաուղղված օգտագործել միջոցները, այլ ոչ թե հարստացնել միավորներին: Ժամանակն է, լսե՛լ ժողովրդին:
Երկու խոսքով կցանկանայի մարդկային էությանն անդրադառնալ: Մարդիկ մշտապես հակված են անբավարարության զգացողության, նրանք միշտ որևէ հարցով անհանգստացած են և ներքուստ ձգտում են փոփոխությունների: Հայրենակիցներիս հետ համագործակցելիս, նրանց աչքերում հենց այդ կայծն եմ տեսնում, որ պատրաստ է բռնկվել, դառնալ բանականություն ու պահանջել, որ իրենք ևս արժանի են առավել բարեկեցիկ կյանքի: Ցավոք, այդ կայծը չեն փորձում բորբոքել մարդիկ, որոնք վաղուց արդեն հասել են հաջողության: Դժբախտաբար, նմանները չեն փորձում աջակցել, ապահովել և կամ համապատասխան հիմք պատրաստել մյուսների հաջողության համար:
Սիրելի՛ համաքաղաքացիներ, եկել է արհեստական պատնեշների հաղթահարման ժամանակը: Ժամանակն է ասենք ինքներս մեզ՝ այժմ փոփոխությունների ժամանակն է:
Բռնության ռեժիմը մնացել է անցյալում է, այժմ ոչ ոք չի կարող համարձակվել ճնշել, ահաբեկել մարդկանց: Հաճախ եմ լսում, իբր «նրանք գիտեն, թե ում ենք տալիս մեր ձայնը»: Ո’չ, սիրելիներս, ո՛չ համաքաղաքացիներս, նրանք ստում են, փորձում խլել ազատ ընտրելու ձեր իրավունքը, փորձում զրկել ամենաարժեքավորից՝ սեփական կարծիքից:
Ինչ վերաբերում է մեր հարևան երկրներում ստեղծված ծանր իրավիճակին, ցավալի է, որ հակամարտության հետևանքով բազմաթիվ մարդիկ են զոհվում:
Ուզում եմ խաղաղություն և հակամարտության արագահաս լուծում ցանկանալ կողմերից յուրաքանչյուրին:
Որպես եղբայրական ազգի ներկայացուցիչների միջավայրում, նույն քաղաքում, նույն թաղամասում ու նույն փողոցում մեծացած վրացու, ինձ մեծ ցավ է պատճառում ձեր՝ մեր ցավը: