Դուբայում բացվել է եռաչափ տպիչով տպված՝ աշխարհում առաջին գրասենյակը
Եռաչափ տպման տեխնոլոգիան արագորեն մուտք է գործում մեր կյանքի գրեթե յուրաքանչյուր բնագավառ:
Ինչպես նշում է Al Arabiya-ն, Դուբայում բացվել է եռաչափ տպիչով տպված՝ աշխարհում առաջին գրասենյակը, որը մեկհարկանի է ու պատրաստված է ցեմենտի և պլաստիկի խառնուրդից:
Գրասենյակը զբաղեցնում է 250 քմ մակերես: Այն ստեղծելու համար օգտագործվել է 6 մ բարձրությամբ հսկայական տպիչ:
«Սա աշխարհում առաջին եռաչափ տպված գրասենյակն է, որն առաջարկում է անթերի պայմաններ աշխատելու համար: Մեր կարծիքով` սա դեռ սկիզբն է. աշխարհը կանգնած է լուրջ փոփոխությունների շեմին»,-ասել է նախագծում ներգրավված մասնագետներից մեկը:
Աղբյուրը մանրամասնում է, որ գրասենյակը տպելու համար պահանջվել է 17 օր և ծախսվել է 140.000 դոլար:
Ենթադրվում է, որ 2030թ. դրությամբ Դուբայում բոլոր շինությունների 25 տոկոսը լինելու է եռաչափ տեխնոլոգիայով տպված։
www.tert.am