Արցախի նախագահը ընդունել է Աբխազիայի կամավորներին
Արցախի հանրապետության նախագահ Արայիկ Հարությունյանը հանդիպել է Աբխազիայից Արցախ մեկնած կամավորականներին։
Նախագահը ֆեյսբուքյան իր էջում հրապարակել է լուսանկար, որին կից գրելով.
Սիրելի ՛ հայրենակիցներ
Այսօր ընդունել եմ Աբխազիայի հայ համայնքի կամավորական ջոկատների ներկայացուցիչներին, ովքեր հայրենի հողի կանչով Արցախում են: Տղաները եկել են՝ քաջ գիտակցելով ստեղծված իրավիճակը, եկել են իրենց եղբայրների հետ թշնամու դեմ մարտի դաշտում կռվելու և Հայրենիքի պաշտպանության սուրբ գործում իրենց անձնական ներդրումն ունենալու:
Ընդհանրապես, ոգևորող է, որ այս օրերին մեզ են միանում սփյուռքահայ մեր հայրենակիցները: Ոսոխին հետ շպրտելու գործում մեր հաջողության իրական գրավականը միմյանց թև ու թիկունք լինելն է:
