Ռուսաստանը ժամը 07:00-ից կսկսի Ղարաբաղում խաղաղապահ զորախմբի տեղակայումը
Ռուսաստանը Մոսկվայի ժամանակով ժամը 06:00-ից (տեղական ժամանակով 07:00-ից) կսկսի խաղաղապահ զորակազմ տեղակայել Լեռնային Ղարաբաղի հակամարտության գոտում` Հայաստանի զինված ուժերի դուրսբերմանը զուգահեռ, հաղորդում է ՏԱՍՍ-ը` հղում անելով ՌԴ ՊՆ-ին:
«Համաձայն ՀՀ Վարչապետի, Ադրբեջանական հանրապետության նախագահի եւ Ռուսաստանի Դաշնության նախագահի հայտարարության` 2020թ. նոյեմբերի 10-ին Մոսկվայի ժամանակով 06:00-ից (տեղական ժամանակով 07:00 – խմբ.) Ռուսաստանի Դաշնությունը կսկսի խաղաղապահ զորակազմ տեղակայել ղարաբաղյան հակամարտության գոտում՝ հայկական զինված ուժերի դուրսբերմանը զուգահեռ»,- ասել են գերատեսչությունում:
