Եվրամիությունը երեք միլիոն եվրո կհատկացնի Լեռնային Ղարաբաղին
Եվրամիությունը երեք միլիոն եվրո է հատկացնում Լեռնային Ղարաբաղում և հարակից տարածքներում ապրող մարդկանց օգնելու համար:
Ինչպես նշվել է Բրյուսելում, այդ գումարը ծախսվելու է հակամարտության զոհերին մարդասիրական օգնության վրա:
«Եվրամիությունը կանգնած է հակամարտությունից տուժած քաղաքացիների կողքին: Մենք ողջունում ենք ռազմական գործողությունների դադարեցումը, չնայած մենք մտահոգված ենք մարդասիրական իրավիճակով, որում հայտնվել են անպաշտպան բռնի տեղահանվածները, որը կապված է ձմեռային սեզոնի և կորոնավիրուսի համավարակի հետ: Մեր կողմից հատկացված գումարը կավելանա 900 000 եվրոյին, որը հատկացվել էր տարածաշրջանում ռազմական գործողություններ սկսելուց հետո»,- հայտարարել են Եվրահանձնաժողովում:
Հիշեցնենք, որ Լեռնային Ղարաբաղի հակամարտության գոտում ռազմական գործողությունները դադարեցվել էին նոյեմբերի 9-ին `Հայաստանի վարչապետի, Ռուսաստանի և Ադրբեջանի նախագահների կողմից ստորագրված համաձայնագրի հիման վրա:
Opinion, pooling and voting
