Պելեն եւ Մեսսին արձագանքել են Մարադոնայի մահվան մասին լուրերին
Լեգենդար բրազիլացի ֆուտբոլիստ Պելեն արձագանքել է արգենտինացի լեգենդ Դիեգո Մարադոնայի մահվան մասին լուրերին.
«Շատ ցավալի է կորցնել այդպիսի ընկերոջը: Կգա ժամանակը, երբ ես և Մարադոնան ֆուտբոլ կխաղանք երկնքում»,– հայտարարել է «Ֆուտբոլի արքան»:
Բարսելոնայի ավագ Լիոնել Մեսսին արձագանքել է լեգենդար հայրենակից Դիեգո Մարադոնայի մահվան կապակցությամբ.
«Շատ ցավալի օր է բոլոր արգենտինացիների և ֆուտբոլի համար: Նա լքում է մեզ, սակայն չի հեռանում, քանի որ Դիեգոն անմահ է: Ես հիշում եմ նրա հետ ունեցած բոլոր հիանալի պահերը և ցավակցում եմ Դիեգոյի ընտանիքին և ընկերներին: Հանգիստ քնիր»,– ասել է Մեսսին:
Դիեգո Մարադոնան 60 տարեկան հասակում մահացել է սրտի կաթվածից: Նախկին ֆուտբոլիստը վիրահատությունից հետո գտնվում էր Բուենոս Այրեսի ծայրամասում գտնվող իր սեփական վիլլայում:
Opinion, pooling and voting
