Կարևոր է երկրում պատվաստումը սկսել որքան հնարավոր է շուտ. Գիորգի Գախարիա

Կարևոր է երկրում պատվաստումը սկսել որքան հնարավոր է շուտ. Գիորգի Գախարիա

Վրաստանի վարչապետ Գիորգի Գախարիան հանդիպել է կառավարության վարչությունում հանդիպել է կորոնավիրուսի պատվաստումների գործընթացի անխափան ընթացքն ապահովելու համար  հատուկ հանձնաժողովի անդամներին:

Համապատասխան նախարարությունների, համաճարակաբանների, միջազգային կազմակերպությունների և ժողովրդական պաշտպանի հետ հանդիպմանը քննարկել են պատվաստումների գործընթացի անխափան իրականացման ապահովման ուղղությամբ ընթացող աշխատանքները և վարչապետի կողմից ստեղծված հատուկ հանձնաժողովի ձեռնարկած քայլերը պատվաստանյութի ժամանակին ներկրման, ինչպես նաև ենթակառուցվածքների և նյութատեխնիկական տեսանկյունից:

Շեշտը դրվեց ամբողջ աշխարհում ներկայիս և հեռանկարային պատվաստանյութերի վրա, և նշվեց, որ ակտիվ աշխատանքներ են տարվում միջազգային կազմակերպությունների հետ համատեղ՝ առաջին հերթին պատվաստելու համար բարձր ռիսկային խմբերը: Միևնույն ժամանակ, հատուկ ուշադրություն է դարձվել այն փաստին, որ երկիր մտնող պատվաստանյութը պետք է ճանաչվի և համապատասխանի միջազգային չափանիշներին:

Նաև գնահատվել է երկրում սառը շղթայի համակարգը, մասնավորապես՝ պատվաստանյութի համար պահանջվող սառը շղթայի պահանջներն ու բնութագրերը:

Կառավարության ղեկավարի խոսքով, կարևոր է երկրում պատվաստումը սկսել որքան հնարավոր է շուտ՝ անվտանգ և որակյալ պատվաստանյութով, որն իրականացվելու է ԱՄՆ-ի և եվրոպական երկրների փորձի հիման վրա:

Մեկ անգամ ևս նշվեց, որ բացի COVAX հարթակից, ակտիվ փուլում են բանակցությունները միջազգային գործընկրների և պատվաստանյութ արտադրողների հետ, որը պետությունը վարում է արտաքին գործերի նախարարության և արտասահմանում Վրաստանի դիվանագիտական առաքելությունների ներգրավվածությամբ: Փոխնախարարը խոսեց այս առումով ձեռնարկված կոնկրետ քայլերի մասին:

Ըստ առողջապահության նախարարության, ինտենսիվ աշխատանքներ են տարվում տարբեր արտադրողների պատվաստանյութերը երկրի համար առավել ընդունելի, երկրում դրանց ներդրման ուղիների և թիրախային լսարանի սահմանման ուղղությամբ:

Վրաստանի ժողովրդական պաշտպանը ներգրավված է հանձնաժողովի աշխատանքներին՝ պատվաստումների գործընթացում մարդու իրավունքների պաշտպանության բարձրագույն չափանիշներ ապահովելու համար: Նինո Լոմջարիան խոսեց ընդունված որոշումների թափանցիկության և հասարակության իրազեկման կարևորության մասին՝ նշելով, որ առաջին հերթին պետք է բավարարվեն ավելի մեծ ռիսկի տակ գտնվող խմբերի շահերը:

Պատվաստումների գործընթացի անխափան ընթացքն ապահովելու համար վարչապետի կողմից ստեղծված հատուկ հանձնաժողովը անցկացնում է աշխատանքային հանդիպումներ:

Տեղեկատվությունը տարածում է Վրաստանի վարչապետի մամուլի ծառայությունը:

Opinion, pooling and voting