Որ լրատվամիջոցներից են ստանում տեղեկություն Նինոծմինդայում. հարցում

NOR ռադիոն Նինոծմինդայի մունիցիպալիտետում բնակիչների մասնակցությամբ անցկացրեց հարցում, թե որ լրատվամիջոցներից են բնակիչները ստանում տեղեկություն եւ ինչ ալիքներ են դիտում:

Բնակիչների մեծ մասը նշեց, որ ալիքներից մեծամասամբ դիտում են հայկական ալիքներ(Կենտրոն, Շանթ, Արմենիա եւ այլն): Մի մասն էլ հայկականից բացի դիտում են նաեւ ռուսական ալիքներ (NTV, RTR-Planeta եւ այլն):

Իսկ վրացական ալիքներ ունեցողների քանակը շատ քիչ է, կան մարդիկ ովքեր ընդհանրապես չունեն եւ ցույց չի տալիս, իսկ ունենալու դեպքում էլ առաջանում է լեզվի չիմացության խնդիր:

Բնակիչների մի մասն էլ ընդհանրապես չեն օգտվում հեռուստացույցից, տեղեկությունը ստանում են ինտերնետի միջոցով, օգտվելով ֆեյսբուք ինստագրամ սոցիալական կայքերից: Որտեղ լուրերը հիմնականում ստանում են Առաջին ալիք(1tv.ge), ռադիո Նոր (Radio NOR), հայկական Առաջին ալիք(1tv.am ), Ալիք մեդիա (AliQ Media), Անդրադարձ լրատվական (ParvanaTv) եւ այլ լրատվամիջոցներից: Ինչպես նաեւ դիտում են տեսանյութեր YouTube հավելվածով եւ այնտեղից ստանում տեղեկություն:

Հարցմանը մասնակցել են թվով 14 բնակիչ.

Մանրամասները՝ աուդիոձայնագրությունում.