Նաիրա Զոհրաբյանը զրկվեց ԱԺ մարդու իրավունքների հանձնաժողովի նախագահի պաշտոնից
ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահ Նաիրա Զոհրաբյանը զրկվեց պաշտոնից։
Փակ-գաղտնի քվեարկությանը մասնակցել է 84 պատգամավոր։
Անվավեր է ճանաչվել 2 քվեաթերթիկ
78 կողմ, 4 դեմ ձայների համամասնությամբ որոշումն ընդունվեց։
Հիշեցնենք՝ խորհրդարանն այսօր քննարկում էր «Իմ քայլը» խմբակցության կողմից ներկայացված օրենքի նախագիծը, որով առաջարկվում է դադարեցնել «Բարգավաճ Հայաստան» խմբակցության անդամ Նաիրա Զոհրաբյանի՝ Մարդու իրավունքների պաշտպանության և հանրային հարցերի մշտական հանձնաժողովի նախագահի լիազորությունները:
Հարցը ներկայացրել էր իմքայլական պատգամավոր Արթուր Հովհաննիսյանն՝ ասելով, թե «Բարգավաճ Հայաստան» խմբակցությունը երկշաբաթյա ժամկետում կարող է առաջադրել նոր թեկնածու:
Չառաջադրելու դեպքում քվոտան անցնում է իշխող մեծամասնությանը։
Նաիրա Զոհրաբյանը, հիշեցնենք, նախօրեին հրավիրված մամուլի ասուլիսի ժամանակ հայտարարել էր, որ դիմելու են ՍԴ՝ վիճարկելու ԱԺ որոշման նախագծի սահմանադրականության հարցը։
Ըստ նրա՝ նախագիծը քաղաքական հաշվեհարդար է իր և «Բարգավաճ Հայաստան» կուսակցութան նկատմամբ։
Opinion, pooling and voting
