Ո՞ր գործարարներին կվերաբերվի Էլեկտրականության վճարի սուբսիդավորումը

Վրաստանի կառավարությունը հրամանագրով որոշեց, թե որ ձեռնարկատերերի էլեկտրաէներգիայի սակագինը մասամբ կսուբսիդավորվի: Ըստ նոր կանոնի, կառավարությունը բյուջեից ծածկելու է 2021 թվականին էլեկտրաէներգիայի բարձրացված սակագնի տարբերության 50%-ը:

Համաձայն հրամանագրի, մասնակի սուբսիդավորումը տարածվելու է հետևյալ տնտեսական գործունեության հետ կապված ձեռնարկատերերի վրա.

• Թռչնագործություն
• Մսի վերամշակում և պահածոյացում
• Թռչնի մսի վերամշակում և պահածոյացում
• Մսամթերքի արտադրություն
• Ձկների, խեցգետնանմանների և փափկամարմինների վերամշակում և պահածոյացում
• Կարտոֆիլի վերամշակում և պահածոյացում
• Մրգերի և բանջարեղենի վերամշակման և պահածոյացման այլ տեսակներ
• Յուղերի և ճարպերի արտադրություն
• Մարգարինի և նմանատիպ ուտելի ճարպերի արտադրություն
• Կաթի վերամշակում և կաթնամթերքի արտադրություն
• Աղացած հացահատիկային ապրանքների արտադրություն
• Օսլայի և օսլայի արտադրանքի արտադրություն
• Հացի արտադրություն, ոչ երկարաժամկետ պահպանման խմորեղեն հրուշակեղենի, թխվածքների և նման այլ պիտանելիությունների արտադրություն
• Թխվածքաբլիթների և չոր թխվածքների արտադրություն
• Մակարոնեղենի, ատրիաի, կուսկուսի և նմանատիպ թխած ապրանքների
• Շաքարի արտադրություն
• Համեմունքների և սակազմ-համեմունքների արտադրություն
• Հոմոգենացված սննդի պատրաստուկների և դիետիկ սննդամթերքի արտադրություն
• Ընտանի կենդանիների պատրաստի կերերի արտադրություն
• Ֆերմայի կենդանիների պատրաստի կերերի արտադրություն

Նոր կանոնով սահմանված սուբսիդիան ստանալու համար ձեռնարկատերերը պետք է 2021 թվականի հունվարի 13-ից հունվարի 27-ը էլեկտրոնային եղանակով լրացնեն հայտի ձևաթղթերը:

Հրամանագրի համաձայն, հայտեր լրացնելու համար էլեկտրոնային հարթակի ստեղծումն, կառավարումն ու վարչարարությունն ապահովում է էկոնոմիկայի և կայուն զարգացման նախարարությունը:

Վրաստանի Էներգետիկայի և ջրամատակարարման հանձնաժողովի որոշման համաձայն, 2021 թվականի հունվարից «Թելասիի» և «Էներգո-Պրո Ջորջիաի» հաճախորդների համար էլեկտրաէներգիայի սակագինը բարձրացել է ինչպես կենցաղային, այնպես էլ ոչ կենցաղային տնտեսության սպառման համար:sknews.ge

---

---