Լարսը փակ է, ռուսական կողմում բեռնատարների մեծ հերթ է գոյացել
Ստեփանծմինդա-Լարս ավտոճանապարհը ձնահյուսի վտանգի պատճառով այսօր ևս փակ է բոլոր տիպի տրանսպորտային միջոցների համար։ Ռուսական կողմում բեռնատարների մեծ հերթ է գոյացել:
Եղանակային բարդ պայմանների պատճառով, Վրաստանի որոշ ճանապարհներին գործում են սահմանափակումներ: Առատ ձյան պատճառով, Քութաիսի-Տղիբուլի-Ամբրոդաուրի (Նակերալայի լեռնանցք) ճանապարհին արգելվում է կցորդով և կիսակցորդով տրանսպորտային միջոցների երթևեկությունը: Մնացած տրանսպորտային միջոցների համար սահմանափակումներ չկան:
Արդեն մեկ շաբաթ է, առատ ձյան պատճառով ձնահյուսի վտանգ կա, ըստ այդմ՝ Ստեփանծմինդա-Լարս ճանապարհը փակ է բոլոր տրանսպորտային միջոցների համար:
Վրաստանի ճանապարհների վարչությունից հայտնեցին որ, այսօր՝ ամբողջ օրվա ընթացքում ևս Լարսը փակ կլինի: Իսկ վաղը ճանապարհը բաց կլինի, թե՝ ոչ, կախված է եղանակային պայմաններից:
Opinion, pooling and voting
