Ինչ է անհրաժեշտ ցամաքային սահմանով ՀՀ տարածք մուտք գործելու դեպքում, և ովքեր կենթարկվեն պարտադիր մեկուսացման
ՀՀ առողջապահական և աշխատանքի տեսչական մարմինն տեղեկություն է հրապարակել այն մասին, թե ինչ է պետք իմանալ ցամաքային սահմանով Հայաստանի Հանրապետության տարածք մուտք գործելիս։ Տարածված հաղորդագրությունում ասվում է․
«Ուշադրություն
Համաձայն ՀՀ կառավարության թիվ 1514 որոշման՝ ՀՀ ցամաքային սահմանով ՀՀ տարածք մուտք գործելիս անհրաժեշտ է
ունենալ կորոնավիրուսի ՊՇՌ հետազոտության սերտիֆիկատ (հայերեն կամ անգլերեն կամ ռուսերեն լեզվով) ոչ ավելի, քան 72 ժամվա վաղեմության, կամ
անցնել ՊՇՌ հետազոտություն լաբորատոր նմուշառման կետում (վճարովի հիմունքներով):
Սահմանային բժշկասանիտարական հսկիչ կետում ներկայացնել տեղում նմուշառումը հաստատող փաստաթուղթը, ինքնամեկուսանալ` մինչեւ թեստավորման բացասական արդյունքի ստացումը։
ԶԳՈՒՇԱՑՈՒՄ. Այն անձինք, որոնք կհրաժարվեն վերոհիշյալ կետերի կատարումից, կենթարկվեն պարտադիր մեկուսացման (հիմք՝ ՀՀ կառավարության 1514 որոշման հավելվածի 7-րդ կետ):
ՀՀ առողջապահական և աշխատանքի տեսչական մարմնի սահմանային բժշկասանիտարական հսկիչ կետերի անձնակազմը ՀՀ ոստիկանության ուժերի հետ համատեղ անցել են ուժեղացված աշխատանքային ռեժիմի»։ Armlur.am
Հիշեցնենք՝ Վրաստանի քաղաքացիներին արգելված է հատել երկրի սահմանը։ Այս մասին ընթերցեք ստորև տեղադրված նյութում.
Opinion, pooling and voting
