Նշվել են կյանքը երկարացնելու չորս սննդային կանոնները
Սննդաբան Մարկ Գիլբերտը Express- ին տված հարցազրույցում խոսել է սննդային կանոնների մասին, որոնք կարող են բարելավել առողջությունը և երկարացնել կյանքը:
Առաջին քայլն է նվազեցնել ընդհանուր կալորիաների ընդունումը: Ըստ մասնագետի՝ ցածր կալորիականությամբ սննդակարգը կարող է դանդաղեցնել ծերացումը և պաշտպանել քաղցկեղից, շաքարախտից և Ալցհեյմերի հիվանդությունից:
Հավասարապես կարևոր է նաև օրգանիզմում վիտամին D- ի բալանսը: Ինչպես բացատրել է Գիլբերտը, օրգանիզմում այդ վիտամինի մակարդակը հակադարձ համեմատական է մահվան ռիսկին:
«Վիտամին D- ն սերտորեն կապված է իմունիտետի հետ և օգնում է մեր T- բջիջների իմունային պատասխանին», – բացատրել է նա:
Գիլբերտը խորհուրդ է տվել նաև սննդակարգում ավելացնել հատապտուղներ, քանի որ դրանք բարելավում են սրտի առողջությունը, ուժեղացնում իմունիտետը և իջեցնում զարկերակային ճնշումը: Բացի այդ, հատապտուղները նպաստում են արյան նորմալ հոսքին և կանխում խոլեստերինի կուտակումը:
2-րդ տիպի շաքարախտի հավանականությունը նվազեցնելու համար սննդաբանը խորհուրդ է տվել կանոնավոր կերպով կանաչ թեյ խմել:
Բոլոր չորս կանոններին հետևելը նույնիսկ կարճ ժամանակահատվածում էապես բարելավում է մարդու ընդհանուր վիճակը և երկարաժամկետ հեռանկարում էապես մեծացնում է երկար կյանքի շանսերը:shantnews.ge
Opinion, pooling and voting