«ժողովուրդը չի երևում ջիփերից». Հերթական ցույցը՝ ընդդեմ սահմանափակումների

Այսօր Վրաստանի խորհրդարանի շենքի մոտ հերթական հանրահավաքն է անցկացվել, որը պահանջել է անհապաղ վերացնել կորոնավիրուսի համաճարակի կողմից սահմանված սահմանափակումները:

Ցույցին մասնակցել են «Հանուն ժողովրդի» շարժման («Խալխիսթվիս») և հասարակական կազմակերպությունների մի քանի տասնյակ ներկայացուցիչներ։ Ցուցարարները պաստառներ են բերել «Մարդիկ ջիփերից չեն երեւում, երկիրը բացել է պետք» գրություններով: Նրանք պահանջել են վերականգնել հասարակական տրանսպորտի աշխատանքը: Վերջերս հայտնի դարձավ, որ կառավարությունը նախատեսում է մայրաքաղաքում  ավտոբուսները և մետրոն գործարկել մարտի 1-ից ոչ շուտ, կամ երբ կորոնավիրուսով վարակվելու մակարդակը իջնի 4% -ից ցածր:

Ցուցարարներն  ասել են, որ թանկարժեք մեքենաներով երթևեկող պաշտոնյաները չեն հասկանում սովորական քաղաքացիների կարիքները: Մինչդեռ քաղաքաբնակները ստիպված են ճանապարհորդել տաքսիով, ինչը բավականին ծախսատար է տնտեսական խորացող ճգնաժամի և տնտեսության շատ ճյուղերի հարկադիր պարապուրդի ֆոնին:

Ցույցի ընթացքում նույնիսկ հայտարարվել է  կառավարության անդամների կողմից օգտագործվող թանկարժեք մեքենաների ցուցակը.

• Թբիլիսիի քաղաքապետ Կախա Կալաձե – Fiat 500 Abarth

• Փոխքաղաքապետ Իլյա Էլոշվիլի – Toyota Fortuner

• Պաշտպանության նախարար Իրակլի Ղարիբաշվիլի – Audi A8 և Range Rover Velar

• Էկոնոմիկայի նախարար Նաթիա Թուրնավա Mercedes Benz ML դաս

• Ֆինանսների նախարար Իվանե Մաճավարիանի – Toyota RAV 4

• Առողջապահության նախարար – Էկատերինե Տիկարաձե – Mercedes G 300 D 2

• Վարչապետ Գեորգի Գախարիա – Toyota RAV4:

«Այն մարդիկ, ովքեր մեզ համար սահմանափակումներ են դնում, իրենք նստում են սեւ ամենագնացները և չեն հասկանում մեր խնդիրները, չեն հասկանում մեր սոցիալ-տնտեսական կարիքները: Մենք կոչ ենք անում վերացնել սահմանափակումները », – ասել է ակտիվիստ Նինո Ցուլաձեն:

Ակցիայի մասնակիցներն առաջարկել են վաղը ՝ հունվարի 29-ին, միանալ «Ազդանշան տուր. Երկիրը բացել է պետք» ակցիային: Ժամը 11-00֊ին բոլոր նրանք, ովքեր կիսում են ակտիվիստների բողոքը, պետք է մեքենայից ազդանշան տան և այդպիսով պաշտպանեն սահմանափակումները վերացնելու պահանջը:

Վրաստանի կառավարությունը ծրագրում է թույլատրել, որ փետրվարի 1-ից հասարակական տրանսպորտը գործի բոլոր խոշոր քաղաքներում, բացառությամբ Թբիլիսիի, Քութայիսիի և Ռուսթավիի: Այս որոշումը դժգոհություն է առաջացնում մայրաքաղաքի բնակչության շրջանում. Թբիլիսիում մշտական ​​ցույցերը չեն դադարում սահմանափակումները վերացնելու պահանջով:

Այսօր Վրաստանի վարչապետ Գիորգի Գախարիան կառավարության նիստում ասաց, որ եթե երկրում կորոնավիրուսի դեպքերի հայտնաբերման մակարդակը մնա մոտ 4%, սահմանափակումների վերացման գործընթացը «կարող է սկսվել նախատեսվածից շուտ»:

---

---