Դեպի Ղուլալիս գյուղ տանող ճանապարհը անմխիթար վիճակում է

Նինոծմինդայի մունիցիպալիտետի Ղուլալիս գյուղն ունի տարբեր սոցիալական և առօրյա խնդիրներ, որոնցից հիմնականը ճանապարհի խնդիրն է:

Նինոծմինդա -Ախալքալաք կենտրոնական մայրուղուց դեպի Ղուլալիս գյուղ տանող ճանապարհը գտնվում է անմխիթար վիճակում:

Գիշերային լուսավորության, աղբամանների հետ կապված խնդիրները, ըստ բնակիչների, վերացված են: Բնակիչները խնդրում են, որ այս տարի ճանապարհը, որը մոտ 2 կիլոմետր է, ասֆալտապատվի կամ հարթեցվի:

Ինչպես տեղեկացանք քաղաքապետարանից, նախագիծն արդեն կազմված է, և եթե ֆինանսներ լինեն, այն հավանաբար կիրականացվի այս տարի:

---

---