Երեխաներին ու դեռահասներին դեռևս չի թույլատրվում պատվաստվել. Գամկղրելիձե

Վրաստանի Հիվանդությունների վերահսկման ազգային կենտրոնի ղեկավար Ամիրան Գամկղրելիձեի համոզմամբ, COVID-19-ի դեմ աշխարհում գոյություն ունեցող պատվաստանյութերից ոչ մեկը դեռևս թույլատրելի չէ երեխաներին ու դեռահասներին:

Գամկղրելիձեն կառավարության միջգերատեսչական խորհրդի նիստից հետո կայացած մամուլի ասուլիսի ընթացքում հայտարարել է, որ կորոնավիրուսի դեմ պատվաստվել խորհուրդ է տրվում միայն 18 տարեկանից բարձր անձանց:

«Այս պահի դրությամբ հետազոտություններ են ընթանում պատվաստանյութը 12 տարեկանից բարձր անձանց համար կիրառելու ուղղությամբ»,- ասել է Գամկղրելիձեն:

Նշենք, որ Վրաստանը մինչև փետրվարի վերջ կստանա Pfizer տեսակի պատվաստանյութ, որով կպատվաստվեն բնակչության ռիսկային խմբերը: Երկրում արդեն 9 կլինիկա պատրաստ է պատվաստումներ իրականացնելուն: aliq.ge