Վրաստանի խոշորագույն առևտրային գործընկերներն են Չինաստանը, Թուրքիան և Ադրբեջանը

Վրաստանի վիճակագրության ազգային ծառայության տվյալներով, 2021 թվականի հունվարին Վրաստանում արտաքին առևտրաշրջանառությունը կազմել է 762.5 մլն դոլար, որը նախորդ տարվա համապատասխան ամիսների համեմատ պակաս է 16.5 տոկոսով: Այստեղից արտահանումը կազմում է 224.4մլն դոլար (16.2 տոկոսով պակաս), իսկ ներմուծումը՝ 538.1 մլն դոլար (16.6 տոկոսով պակաս):

Վրաստանի վիճակագրության ազգային ծառայության փոխանցմամբ, Վրաստանի բացասական առևտրային հաշվեկշիռը 2021 թվականի հունվարին կազմել է 313.6 մլն դոլար, որը արտաքին առևտրաշրջանառության 41.1 տոկոսն է:

Բացի այդ, 2021 թվականի հունվարի խոշորագույն 10 առևտրային գործընկեր երկրի բաժինը կազմել է Վրաստանի ամբողջ արտաքին առևտրաշրջանառությունում 76.3 տոկոսը: Երկրի խոշորագույն առևտրային գործընկերներն են. Չինաստան (126.5 մլն դոլար), Թուրքիա (114.3 մլն դոլար) և Ադրբեջան (86.2 մլն դոլար):

---

---