Թիվ 2 դպրոցը հաղթանակ տարավ Թբիլիսիում անցկացվող բանավեճ-քննարկումների հանրապետական փուլում

Նինոծմինդայի թիվ 2 դպրոցի թիմը հաղթանակ տարավ հունիսի 18-ին Թբիլիսիում անցկացվող բանավեճ-քննարկումների հանրապետական փուլում:

Հիշեցնենք, որ Նինոծմինդայի թիվ 2 դպրոցի աշակերտները ՛՛Եվրոմիությունը, Վրաստանի վարած եվրաինտեգրման քաղաքականությունը, ժողովրդավարություն և մարդու իրավունքներ՛՛ անունը կրող բանավեճ-քննարկումներում հաղթահարել էին տարածաշրջանային փուլը: Անցնելով հաջորդ փուլ՝ հունիսի 18-ին նրանք մեկնեցին Թբիլիսի մասնակցելու եզրափակիչ փուլին:

Եզրափակչում Նինոծմինդայի դպրոցի թիմը մրցակցեց Մառնեուլիի դպրոցի թիմի հետ և հաղթանակ տարավ:
Ռադիոնորը շնորհավորում է Նինոծմինդայի թիվ 2 դպրոցի աշակերտներին հաղթանակի կապակցությամբ:

Լուսանկարը մեզ է տրամադրել Ռադիոնորի կամավոր Մարինա Կարագուլյանը:

---

---