Սկսել ենք պետական հիվանդանոցների հզորացման լայնածավալ գործընթացը
Բռնազավթված տարածքներից փախստականների, աշխատանքի, առողջապահության և սոցիալական պաշտպանության նախարարի թեկնածու, Էկատերինե Տիկարաձեն խորհրդարանում խոսել է, առողջապահության ոլորտի հիմնարար բարեփոխման և պետական կլինիկաների ամրապնդման ռազմավարության մասին:
Էկատերինե Տիկարաձեի խոսքով, կովիդ վարակված հիվանդների հոսքերի 30 տոկոսը կառավարել են հենց պետական կլինիկաները:
«Համավարակին զուգահեռ, բնակչության առողջության պահպանման հետագա բարելավման նպատակով, մենք պատասխանատվություն ենք ստանձնել և սկսել լայնածավալ գործընթաց` ամրապնդելու պետական կլինիկաները: Ինչպես աշխարհի բոլոր զարգացած երկրները, Վրաստանը նույնպես պետք է ունենա հզոր գործիք, որը կարձագանքի բնակչության որակյալ և մատչելի ծառայությունների պահանջարկին: Այսօր Վրաստանի անկողնային հիմնադրամում պետական հաստատությունների մասնաբաժինը կազմում է ընդամենը 15%: Եվրոպական երկրներում այդ ցուցանիշը ավելի քան 50 տոկոս է: Ուժեղ պետական ինստիտուտները նշանակում են բնակչության լայնածավալ բժշկական կարիքներին արձագանքելու պատրաստակամություն: Դրա օրինակը մենք տեսանք միայն վերջերս, երբ կովիդ վարակված հիվանդների հոսքերի 30%-ը կառավարվում էր պետական կլինիկաների կողմից», – հայտարարել է Տիկարաձեն: 1tv.ge
Opinion, pooling and voting
