Ջիգրաշեն գյուղի «Նաիրի» անսամբլը հանդես եկավ Թբիլիսիում անցկացվող «Փերխուլի» փառատոնում
Հունիսի 19-ին Թբիլիսիի Մշակույթի կենտրոնում տեղի ունեցավ միջազգային երիտասարդական «Փերխուլի» երգի և պարի փառատոնը:
Փառատոնին մասնակցում էին պարային անսամբլներ Եվրոմիության երկրներից և Վրաստանի տարբեր շրջաններից: Ջիգրաշեն գյուղի «Նաիրի» անսամբլը հանդես եկավ ազգային «Պոպուրի», «Գյովնդ», «Վերվերի» պարերով:
Փառատոնը կազմակերպել էր Թամազ Խոդշայի «Կախարդական ձայներ» պրոդյուսերական ընկերությունը: Փառատոնի բոլոր մասնակիցներին հանձնվեցին վկայականններ և մեդալներ: Ջիգրաշեն գյուղի «Նաիրի» անսամբլի ճանապարհային և սննդի հետ կապված ծախսերը իր վրա էր վերցրել Նինոծմինդայի Մշակույթի կենտրոնը:
Փառատոնից ստացված գումարը ուղղվելու է լեյկեմիայով (սակավարյունություն) հիվանդ երեխաների բուժմանը:
Անաիտ Զալալյան