Սահմանափակումների վերացման փաթեթը ամբողջությամբ

Վրաստանի կառավարության գլխավորած կորոնավիրուսի դեմ պայքարի միջգերատեսչական խորհուրդն այսօր՝ փետրվարի  24-ին ներկայացրեց սահմանափակումների վերացման հաջորդ փուլերը: Թեև որոշ սահմանափակումներ կմնան ուժի մեջ, սահմանափակումների մեծ մասը վերացվել է: Ստորև ներկայացնում ենք սահմանափակումների վերացման ժամանակացույցը՝

Վաղվանից՝ փետրվարի 25-ից՝

• Բացվում են լեռնային հանգստավայրերը,
• Միջհամայնքային տրանսպորտը վերսկսում է աշխատանքը։

Մարտի 1-ից՝

• Գործունեությունը կվերսկսեն նախադպրոցական հաստատությունները, երկու շաբաթը մեկ անգամ աշխատանկիցների 20%-ը կթեստավորվի,
• Բարձրագույն և մասնագիտական հաստատությունները գործնական, լաբորատոր գործունեությունը կվերականգնեն և քննությունները կկարողանան հանձնել տեղում,
• Աշխատանքը կվերսկսեն թանգարաններն ու գրադարանները,
• Բաթումիում կբացվեն փակ ռեստորանները (բացի շաբաթ-կիրակի օրերից),
• Հնարավոր կլինի անցկացնել կոնֆերանսներ և թրեյնինգներ։

Մարտի 8-ից՝

• Առևտրի կենտրոնները, շուկաները, խանութները (ոչ մթերային) կկարողանան գործել նաև շաբաթ-կիրակի օրերին,
• Ողջ Վրաստանի մասշտաբով փակ ռեստորանները կվերսկսեն աշխատանքը,
• Լեռնային հանգստավայրերում ճոպանուղիները կվերսկսեն աշխատանքը։

Մարտի 15-ից

• Համալսարանները կվերսկսեն աշխատանքը լսարաններում,
• Գործունեությունը կվերսկսեն սպորտային դահլիճները,
• Գործունեությունը կվերականգնեն դպրոցական խմբակները,
• Թատրոնները, խմբակները, մասնագիտական անսամբլները կկարողանան փորձեր անցկացնել։

Ապրիլի 1-ից՝

• Թատրոնները, անսամբլները լիովին կվերսկսեն աշխատանքը։

Ուժի մեջ է մնում՝

• «Պարետային ժամը»՝ տեղաշարժի արգելքը 21:00-05:00 aliq.ge

---

---