Թբիլիսիի միկրոավտոբուսների ուղեվարձն էժանանում է

Ապրիլի 1-ից Թբիլիսիի նոր միկրոավտոբուսների ուղեվարձը կլինի 50 թեթրի (15 ԱՄՆ ցենտ) 80-ի փոխարեն:

Միկրոավտոբուսներում կգործեն նաև այն արտոնությունները, որոնք կան ավտոբուսի ու մետրոյի դեպքում. այսուհետ միկրոավտոբուսով երթևեկելուց հետո ևս 1,5 ժամվա ընթացքում այլ տրանսպորտային միջոցից օգտվելն անվճար կլինի: Որոշ կատեգորիաներ հնարավորություն կունենան անվճար երթևեկել.

• Թբիլիսիում հաշվառված` տեսողության խնդիր ունեցող ուղևորներ և ուղևորության ընթացքում նրանց ուղեկցող անձը
• Երկրորդ համաշխարհային պատերազմի վետերաններ
• Այլ երկրների տարածքում ռազմական գործողությունների մասնակից վետերաններ
• Զինված ուժերի վետերաններ
• Դպրոցականներ
• ՆԳՆ տեսուչներ

Հատուկ արտոնություններ են նախատեսված սոցիալապես անապահով ընտանիքների անդամների համար։

Թբիլիսիի քաղաքապետարանը նախատեսում է մեկ տարվա ընթացքում լիովին թարմացնել մայրաքաղաքի ավտոպարկը: Ներկայումս Թբիլիսին սպասարկում է 1800 միկրոավտոբուս: Օրվա ընթացքում ավելի քան 600 հազար մարդ է օգտվում միկրոավտոբուսներից:aliq.ge

---

---