Հոր և որդու մեղադրանքը սուտ է. Ի՞նչ են պատմում Եֆրեմովկայում տեղի ունեցածի մասին
Թրաֆիքինգի մեղադրանքը սուտ է. Բնակիչները Եֆրեմովկայում տեղի ունեցածի մասին.
Նինոծմինդայի մունիցիպալիտետի Եֆրեմովկա գյուղում բերման ենթարկված հոր ու որդու ընտանիքի անդամները կտրականապես հերքում են պարտադրված աշխատանքը երեք անձանց նկատմամբ: Նրանք ասել են, որ Հայաստանի քաղաքացիները գյուղում էին արդեն վեց տարի, և այդ ընթացքում երբեք չեն բողոքել: Նույնը հաստատում են Եֆրեմովկայի բնակիչները: Տեղացիները պահանջում են ազատ արձակել ձերբակալվածներին՝ հորը և որդուն:
Մարտի 13-ին իրավապահների կողմից ձերբակալված անձանց դատախազությունը երեկ մեղադրանք է առաջադրել:
Ձերբակալվածի կինը ՝ Մ.Ծ. ֊ն ասում է, որ նրանք ֆերմայում ունեցել են լավ կենսապայմաններ և աշխատավարձ:
«Ամուսինս վեց տարի առաջ բերեց նրանց։ Իրենց ազգականը նախկինում աշխատում էր մեզ մոտ, և նա ասաց, որ նրանք տուն ու աշխատանք չունեն, և պետք է օգնել։ Մենք 70 կով ունենք: Որքան ես գիտեմ, նրանք ստանում էին 400 լարի աշխատավարձ: Մենք երբեք նրանց հետ կոնֆլիկտ չենք ունեցել: Նրանք ունեին չորս տարեկան երեխա, և ես նույնքան հոգատար էի, որքան ծնողը: Ես չեմ հասկանում, թե ինչու են այդպես վարվել մեզ հետ, չէի սպասում », – ասաց կալանավորի կինը:
Նույն ֆերմայի աշխատակից Վարսիկ Բրոյանը հերքում է ձերբակալվածների կողմից աշխատակիցների վրա ճնշումը: Նա ասում է, որ հայր ու որդի ժամանակին վճարել են բոլորի աշխատավարձերը և ապրում էին լավ վիճակով:
«Ես աշխատավարձ եմ ստացել, նրանք էլ են ինձ հետ ստացել: Ես 25 տարի այստեղ եմ աշխատում, եթե վատ մարդ լինեին այսքան ժամանակ կաշխատեի՞ այստեղ: Նրանք երբեք չեն բողոքել: Մարդը, ով աշխատում էր որպես հովիվ, դժգոհ էր գյուղացիներից, հետո վեր կացավ և հարբած գնաց սահման, որտեղ ասել է, որ իր հետ վատ են վերաբերվել: Նա վեց տարի ապրում էր այստեղ ՝ նախկինում ոչինչ չասելով, իսկ հիմա ինչու՞ որոշեց ստրկության մեջ լինել: Նրանք ապրում էին նորմալ, լավ էին հագնվում, գնում էին Նինոծմինդայի սրճարաններ, զվարճանում: Քննիչին էլ ասացի, որ այս ամենը իրենք են հորինել », – ասաց Վարսիկ Բրոյանը:
Նույն գյուղում բնակվող Նարեկ Բաբոյանն ասում է.
«Նրանք հորինել են դա: Ձերբակալվածները չեն չարաշահել նրանց, քանի որ ես նույնպես ֆերմայում էի աշխատում և դա գիտեմ », – ասաց նա:
Տեղացիներից ոմանք ասում են, որ իրենք բողոքի ակցիա կանցկացնեն, եթե հայրը և որդին չազատվեն:
«Հայրն ու որդին ձերբակալվել են ստի համար, և ինչպե՞ս դա կարող է լինել: Ինչքանով գիտենք, նրանք Ախալցխայում են: Հանրահավաք կկազմակերպենք: Մենք բոլորս գիտենք, թե ինչ էր կատարվում այստեղ և ինչպես », – ասաց Եֆրեմովկայի բնակիչ Սասնուհի Լուլուկյանը:
Հիշեցնենք՝ երեկ Վրաստանի դատախազությունը, մարդկանց առևտրի փաստի վերաբերյալ խմբի նախնական համաձայնությամբ, մեղադրանք է առաջադրել Բ.Ծ.-ի և Մ.Ծ.-ի դեմ: ՆԳՆ սահմանապահ ոստիկանության կողմից կատարված քննության արդյունքում պարզվել է, որ Բ.Ծ.-ն և Մ.ծ.-ն, ՀՀ քաղաքացիներ, եղբայր և քույր ՝ Ա.Գ. -ին և Ա.Գ.-ին 2015-ից, իսկ Հ.Կ. -ին 2016-ից՝ աշխատանքային լավ պայմանների և աշխատավարձի խոստումով, իրենց տրանսպորտով Հայաստանի Հանրապետությունից բերել են Վրաստան:
Բոլոր երեքին ՀՀ-ից բերել են Նինոծմինդայի մունիցիպալիտետի Եֆրեմովկա գյուղի անասնաբուծական ֆերմա, որտեղ նրանց սպառնացել և ստիպել են աշխատել մինչև 2021 թվականի մարտի 9-ը: Տուժողներին Բ.Ծ.-ն և Մ.Ծ-ն ենթարկ ել են ստրկության, նրանք աշխատել են շաբաթը յոթ օր և աշխատավարձ չեն ստացել, սահմանափակ է եղել նաև նրանց ազատ տեղաշարժը և մշտական հսկողության տակ են եղել: Ամբաստանյալները առգրավել են նաև Հ.Կ.-ի անձը հաստատող փաստաթուղթը և ֆիզիկական բռնության ենթարկել նրան:
Իրավապահները բերման են ենթարկել Բ.Ծ.-ին և նրա որդի Մ.Ծ.-ին 2021 թ. մարտի 13-ին նրանց մեղադրանք է առաջադրվել Վրաստանի քրեական օրենսգրքի 143-րդ հոդվածի 3-րդ մասի «բ» և «դ» ենթակետերով , որը պատժվում է ազատազրկմամբ ՝ տասներկուից տասնհինգ տարի ժամկետով:
Նինոծմինդայում ՆԳՆ-ն բերման է ենթարկել հայր ու որդու ՝ մարդկանց վաճառքի մեղադրանքով:
Մեղադրող կողմն արդեն դիմել է Ախալցխայի շրջանային դատարան ՝ մեղադրյալի նկատմամբ որպես խափանման միջոց կալանքը կիրառելու միջնորդությամբ: Քրեական գործը քննվում է:
Opinion, pooling and voting
