Բավրայի անցակետը փակվելու մասին պտտվող լուրերը կեղծ են
Նինոծմինդայի մունիցիպալիտետում բնակիչների շրջանում լուրեր է պտտվում, որ Վրաստան – Հայաստան սահմանը Բավրայի անցակետով մի քանի օրով փակվելու է:
NOR -ռադիոն փորձեց պարզել այդ լուրերի ճշգրտությունը: Նինոծմինդայի քաղաքապետարանից մեզ տեղեկացրեցին, որ վերոնշյալ տեղեկությունը չի համապատասխանում իրականությանը եւ ոչ մի պաշտոնական տեղեկություն չկա սահմանները փակվելու վերաբերյալ:
Ավելացնենք նաեւ, որ NOR -ռադիոկայանի լրագրողը այսօր եղել է սահմանին եւ Վրաստան – Հայաստան սահմանը Բավրայի անցակետով գործում է սովորական ռեժիմով:
Հիշեցնենք, որ սահմանը գործում է 10։00 ֊ից մինչև 18։00 ֊ն ընկած ժամանակահատվածում: Ինչպես նաեւ անցակետը հատելու համար հարկավոր է հատուկ թույլտվություն:
