Միասնական ազգային քննություններին մասնակցելու համար գրանցվել է 19 200 դիմորդ

Ներկայումս Վրաստանում գրանցված է 19.2 հազար դիմորդ` մասնակցելու միասնական ազգային քննություններին: Այսօր ճեպազրույցում ասել է Քննությունների և գնահատականների ազգային կենտրոնի տնօրեն Սոփո Գորգոձեն:

Նա հիշեցրել է, որ գրանցման ավարտին մնացել է ընդամենը տաս օր և հորդորել դիմորդներին ակտիվ լինել։ Գործընթացը կավարտվի մարտի 31-ին` ժամը 18: 00-ին:

Շուրջ հազար ուսանողներ հետաքրքրություն են հայտնել մասնակցելու գրանտային մրցույթին: Ավելի քան 3,4 հազար մարդ լրացրել է ընդհանուր մագիստրոսական քննության էլեկտրոնային հայտը:

Բացի այդ, 14 հազար դիմում է ստացվել ուսուցիչ դառնալ կամ ցանկանալով բարելավել ուսուցչի որակավորումը:

Գրանցումն իրականացվում է միայն էլեկտրոնային ձևով՝ online.naec.ge կայքում:

Միասնական ազգային քննությունների մասնակցության արժեքը 10 լարի է մեկ քննության համար (3 դոլար): Նույն գումարը վճարում են ուսանողների գրանտային մրցույթին մասնակցել ցանկացողները:

Պրակտիկոս մանկավարժների գրանցումն անվճար է, իսկ մագիստրոսի թեկնածուների և ուսուցիչ դառնալ ցանկացողների գրանցման վճարը 50 լարի է ($ 15):

Գրանցման գործընթացը տեղի կունենա երկու փուլով: Առաջին փուլում դիմորդները պետք է գրանցման դաշտում մուտքագրեն տվյալներ, ընտրեն քննական քաղաքը և առարկաները: Դիմորդները կկարողանան փոխել կամ ավելացնել առարկա, ինչպես նաև փոխել քննության լեզուն մինչև ապրիլի 15-ը ժամը 18: 00-ն:

Վրաստանում ուսանող դառնալու համար անհրաժեշտ է երեք պարտադիր քննություն հանձնելվրացերեն լեզու և գրականություն, օտար լեզու և մեկ այլ ընտրովի առարկա գրականություն, մաթեմատիկա, պատմություն, աշխարհագրություն, քիմիա, ֆիզիկա, կենսաբանություն, կերպարվեստ և կիրառական արվեստ, կամ քաղաքացիական կրթություն։ «Ընդհանուր հմտություններ» առարկան, որը չեղարկվել է 2020 թվականին, դիմորդները կհանձնեն միայն այն դեպքում, եթե դա պահանջվում է այն հատուկ համալսարանի կողմից, որին իրենք պատրաստվում են դիմել:

---

---