Շնորհավորում եմ Վրաստանի նորագույն պատմության այս դարակազմիկ նշանակության օրվա առթիվ. Ղարիբաշվիլի
1991 թվականի մարտի 31-ին Վրաստանի ամբողջ տարածքում անցկացվեց հանրաքվե, որում մեր ժողովուրդը կողմ քվեարկեց անկախ Վրաստանի գաղափարին, – սոցցանցում գրել է Վրաստանի վարչապետ Իրակլի Ղարիբաշվիլին:
«Մարտի 31-ը Վրաստանի նորագույն պատմության ամենակարևոր օրն է: Ուղիղ 30 տարի առաջ՝ 1991 թվականի մարտի 31-ին, Վրաստանի ամբողջ տարածքում անցկացվեց հանրաքվե, որում մեր ժողովուրդը, ներառյալ Աբխազիայում և Սամաչաբլոյում բնակվող մեր համաքաղաքացիները, կողմ քվեարկեցին անկախ Վրաստանի գաղափարին, ընտրեցին պետության անկախության ուղին:
Այս օրը կապված է Վրաստանի ազգային հերոսի, Վրաստանի առաջին նախագահ Զվիադ Գամսախուրդիայի անվան հետ, ով այսօր կդառնար 82 տարեկան: Նրա անձնական ներդրումը պետության անկախության վերականգնման գործում անչափելի է: Զվիադ Գամսախուրդիան այս պատմական օրվա ոգեշնչողն ու գլխավոր ստեղծողն էր:
Ես շնորհավորում եմ բոլորին Վրաստանի նորագույն պատմության համար դարակազմիկ նշանակության այս օրվա կապակցությամբ», – գրել է Իրակլի Ղարիբաշվիլին Facebook- ում:
Opinion, pooling and voting
