Հարցվածների 39 տոկոսը չի պատվաստվի կորոնավիրուսի դեմ

Միջազգային հանրապետական ինստիտուտի (IRI) հարցման համաձայն, այն հարցին, թե ինչպես կգործեք կորոնավիրուսի պատվաստումը բոլորին հասանելի դառնալուց հետո, հարցվածների 20 տոկոսը անմիջապես կչատվաստվի: 24 տոկոսը նշում է, որ պատվաստվելու է որոշակի ժամանակահատվածից հետո: 39 տոկոսը ասում է, որ չի պատվաստվի:

Վեց տոկոսն ասում է, որ կպատվաստվի, եթե դա պահանջի օրենքը կամ գործատուն:

Հարցվածների 12 տոկոսը չունի/չգիտի հարցի պատասխանը:

Ուսումնասիրությունն իրականացվել է Միջազգային հանրապետական ինստիտուտի հետազոտական կենտրոնի անունից՝ Բալթյան ուսումնասիրությունների և Գելափ կազմակերպության ներկայացուցիչ դոկտոր Ռասա Ալիշաուսկինեի կողմից, 2021 թվականի փետրվարի 2-26-ը: Դաշտային աշխատանքներն իրականացվում էին «IPM»-ի կողմից:

Տվյալները հավաքագրվել են շերտավորված բազմաստիճան պատահական ընտրության մեթոդով՝ դեմ առ դեմ հարցազրույցների միջոցով: Նմուշում ներառվել է քվեարկելու իրավունք և տարիք ունեցող 1500 մասնակից: Տվյալները գնահատվել են ըստ տարիքի, սեռի, շրջանի և բնակավայրի չափի: Սխալը +/- 2.5 տոկոս է, արձագանքի ցուցանիշը՝ 75 տոկոս: Ուսումնասիրությունը հնարավոր է դարձել իրականացնել ամերիկյան ժողովրդի աջակցությամբ՝ Միացյալ Նահանգների միջազգային զարգացման գործակալության միջոցով:1tv.ge