Ուղղափառ եկեղեցին այսօր նշում է Ավետման տոնը

Ուղղափառ եկեղեցին ապրիլի 7-ին նշում է Ավետման տոնը: Այս օրը բոլոր գործող տաճարներում կանցկացվեն տոնական պատարագներ:

Ժամը 10:00-ից Երրորդության աթոռանիստ տաճարում Սբ. Պատարագ կմատուցի Համայն Վրաստանի կաթողիկոս-պատրիարք Իլիա Երկրորդը:

Ավետումը ամենամեծ տոներից մեկն է: Ըստ Ավետարանի, այս օրը Գալիլեայի Նազարեթ քաղաքում Ամենասուրբ Աստվածամորը հայտնվեց Գաբրիել հրեշտակապետը և ավետեց, որ նրանից աշխարհ էր գալու Աստծո Որդին և մարդկության Փրկիչը:

Տոնի կապակցությամբ Մեծ պահքի այս օրը ուղղափառները ուտում են ձուկ:

---

---