Ռուս-թուրքական հարաբերությունների կարգավորումը համապատասխանում է նաև մեր շահերին. Վրաստանի վարչապետի ներկայացուցիչ
Վրացական «Մաեստրո» հեռուստաալիքի փոխանցմամբ՝ Վրաստանի վարչապետի՝ Ռուսաստանի հետ հարաբերությունների կարգավորման հարցերով հատուկ ներկայացուցիչ Զուրաբ Աբաշիձեն կարծում է, որ Ռուսաստանի ու Թուրքիայի միջև հարաբերությունների կարգավորումը համապատասխանում է նաև Վրաստանի շահերին:
«Ռուսաստանի ու Թուրքիայի միջև հարաբերություններում լարվածության նվազեցումն ու մեզ համար երկու խոշորագույն հարևան երկրների միջև հարաբերությունների կարգավորումը համապատասխանում է նաև Վրաստանի շահերին, մենք մեծապես շահագրգռված ենք տարածաշրջանի կայունությամբ»,- ասել է Աբաշիձեն: